Maham leh tyngeh u SP ia kiba pynkhein ia ki ain niah kali ha ka nongbah Shillong
U Superintendent of Police ka East Khasi Hills District, u Bah Sylvester Nongtnger ha ka 22 tarik Naitug ula maham ban leh da kaba tyngeh pyrshah ia kito kiba pynkheiñ ia ki kyndon ain niah kali ha Shillong.
Lyngba une u kyrwoh u Bah Nongtnger u la ong ba ka la don ka jingkiew ha ka jingbun ki kali kiba kynthup ia ki kali ar shaka bad ki kali saw shaka kiba la pyndait da ki tiar kiba pynmih ia ka jingsawa kiba jam ha ka nongbah, khamtam ha ki por ba ki briew ki dang iaid dang ieng bha bad kaba wanrah ia ka jingbymsuk ia ki tymmen, ki briew kiba tlot bad ia ki khynnah rit bad kiwei kiwei kiba kwah ia ka jinglong jar jar.
![](https://www.syllad.com/wp-content/uploads/2024/09/JIT-Vacancy-823x1024.avif)
Nalor kata u la ong ruh wat hadien ba la dep ban kyntu na ka por sha ka por hynrei la iohi ba ki dang don ki kali kiba dang bteng ban pyndonkam da ki iit iong, ki light kiba thaba bad ki siren ha ki kali ki jong ki da kaba pynkhein ia ki kyndon ain bad ki kyndon iaid kali.
Kumta na ka liang u SP ula kyntu ia ki nongniah kali ba kin kiar na kiba kum kine ki jingpynkhein ain khnang ban pynthikna ia ka jingshngain ha ka leit ka wan ha ki lynti surok ha ka nongbah Shillong bad ia kiwei kiba wan jngohkai ia ka nongbah bad ula ong, ba ia kiba pynkhein kin ngat ha ka jingpynshitom katkum ka kyndon ain.
Leave a Reply