1 lak tam shisnem yn kyrshan ka HYC ban siew tulop nonghikai ha Langpih

Syllad | The Rising MeghalayaMarch 14, 2020

Ka Hynniewtrep Youths’ Council (HYC) Sengkmie ryngkat ka HYC West Khasi Hills District ka hiar ha Langpih ban pynlong jingialang ha ka skul ka Raid Mynsaw Secondary School, Langpih, ka skul kaba la seng naduh 2017.kaba haduh mynta ki dang ioh jingkyrshan tang ka UP school.

U Chairman School Managing Committee, u Bah Hindro Samakha ula pyniaid iaka jingialang jingkren nyngkong. La ioh jingkren na u samla Lumlang Kharsyiemlieh President HYC West Khasi Hills District,uba la ai khublei kyrpang ia ki Nonghikai namar kila len lade wat hapdeng ki jingeh ha kine ki jaka, hynrei ki tur shaphrang namar ba ki Ieid iaka jaitbynriew, bad u la ong haki thain Border ngi donkam ban nang ban stad khnang ngin ialeh ia ki jingeh da ka jingstad bad kumjuh ula kyntu iaki khynnah skul ban minot haka pule ka puthi ban jop haka jingim

U Bah Robertjune Kharjahrin u la ong”Kumba U Babu Thomas Jones da ki Hajar Mile u wan ban tbeh jingshai, balei ngi Para Khasi ngim lah ban iarap lem iaki paradoh parasnam ba don haki thain khappud kiba ïakynduh ïaki jingeh kiba har rukom ba kin roi kin par kumba long lem kiwei ki shnong haka jylla.”

Na ka HYC kam lah ban shu peit bad ban shu sngap ïaka jingeh katei ka skul, kumta kala rai ban kyrshan ia uwei u Nonghikai jong kane ka skul ban kan iaid shakhmat bad iaka jingsiew kan siew ka HYC Sengkmie man u bnai. U Bah Robertjune ula pynbna ba ki nongialam bad dkhot ka HYC kin iarap T.1,10,000 (Shilak Shiphew hajar) man la ka snem naka bynta uwei u Nonghikai.

Haka juh ka por u la kyntu ia ka thain kam dei ban ia pait iapra hynrei ka dei ban don ka mynsiem ia tylli bad ula ong ba lada ka thain Langpih ka jot ka KHADC ka dei ban  ban bah khlieh iakane.

Haka tei ka sngi la donlang u Samla Distarborlin Wanniang President HYC Rimulliang Circle, Chester Kharbani president HYC Nongstoin Circle bad Samla Wanteibok General Secretary HYC WKHD…