1 tarik Nailur ka rally ha Jowai ba shah pyniap dusmon 2 ngut ki driver tourist

Syllad | The Rising MeghalayaAugust 30, 2022

Ka All Jaintia Commercial Vehicle Association (AJCVA) kala rai ban khot pynlong da ka jingiaid paidbah haka 1 tarik Nailur ban pynrem iaka jingpyniap dusmon iaki ar ngut ki driver tourist ha rilum Jaintia.

Kane ka jingiaid paidbah ne ka rally kan sdang na Iawmusiang sha Lad college, Ladthadlaboh, Jowai.

Kane ka synjuk ki nongniah kali kamai kala khot wer ka baroh ban mih sha kane ka rally ban dawa naka bor jong aiñ ban pynshitom da kaba tyngeh katkum ki kyndon jong ka ain khnang ba kine ki nongleh kam sniew kiba bym salia ban shim iaka jingim briew kin nym ioh ban iaid laitlan.