10 snem kynthih shah rai set phatok u runar ba leh beijot ia ka khynnah

Syllad | The Rising MeghalayaDecember 7, 2023

Ha ka 30 tarik u Naiwieng 2023, ka Kashari Special Judge (POCSO), Nongstoin, West Khasi Hill hadien ba la pynshisha lyngba ki sakhi satar kiba biang ka la rai pynrem ia u Tepbor War Dkhar uba donkti ha kaba leh beijot ia kawei ka khynnah da kaba set phatok 10 snem kynthih ha ryngkat ka kuna kaba long T.30,000.

Ha kaba iadei bad kane, na ka liang u Superintendent of Police, ka Eastern West Khasi Hills, Mairang haka 5 tarik Nohprah, ula pyntip ba ha ka 18 tarik u bnai Rymphang 2019, la ioh pdiang ia ka jingujor FIR ha kaba la kynnoh ba  kawei ka khynnah rit ka la shah leh beijot ha uwei u briew uba la tip kyrteng kum u Bah Tephor War Dkhar.

Hadien kane la pynngat case pyrshah ia une uba shah kynnoh donkti katkum ka Mairang PS Case No.10(02)2019 U/S 5(n)6 POCSO Act ha kaba ia ka jingtohkit la shimti da ka WPSI RR Marak napoh Mairang Police Station.

Hadien la charge sheet da ka ophisar ba pynlong ia ka jingtohkit hapoh ki kyndon section 5(n)/6 POCSO Act, kata hadien ba katei ka iingkashari kan pynbna ia katei ka rai pynrem.