10 snem shah rai set phatok u runar ba pyniap ia u rangbah ha Jowai

Syllad | The Rising MeghalayaMay 16, 2024

Ka iingbishar District and Session Judge ka West Jaintia Hills District, Jowai  ka la pynmih ia ka hukum ban set phatok 10 snem kynthih ia u briew uba donkti ha kaba pyniap ia uwei u rangbah kaba la jia naduh u snem 2008.

U Superintendent of Police ka WJH, Jowai lyngba u kyrwoh u pyntip ba une u runar uba donkti ha kane ka kam pyniap ia uba la tip kyrteng kum u Herman Shylla u la shah kem noh hadien ba la lap ia ka jingdonkti ka jong u ha kaba pyniap dusmon ia uwei u rangbah uba kyrteng u Lang Pale ha ka jingjia kaba la jia ha ka 17 tarik u Rymphang 2008.

Hadien ki pulit ka Jowai police station ki la rejistar case pyrshah ia u Herman hkatkum ka Jowai PS CAse No. 19(2) 2008 hapoh ka kyndona ain 302/34 IPC, ha kaba ia ka jingtohkit la shimti da u SI u M Myrboh bad hadien la chargesheet pyrshah ia u Herman Shylla hapoh ki kyndon Section 304 IPC.

Kumta ka iingkashari ha ka 8 tarik mynta u bnai ka la rai pynrem ia u Herman da kaba set phatok 10 snem kynthih nalor 2 bnai bad ban siew ruh ia ka bai lutksan kaba long T. 3 lak sha kiba haiing hasem jong utei u lanot.