11 iabit thymmai iaka jingpang COVID-19, khlad 1

Syllad | The Rising MeghalayaMarch 4, 2022

Haka sngi Thohdieng 11 ngut ki briew kila iabit thymmai iaka jingpang khlam, i wei ba khlad bad da kane ka jingdon ki briew kiba iap pang COVID-19 kala kynjoh 1582 ngut hapoh ka Jylla.

Ine iba khlad I dei na East Khasi Hills District.

Katkum ka jingpyntip ka tnad ka Koit ka Khiah ki briew kiba dang shitom ne ki active case ka long 144 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 4, West Garo Hills 2, Ri Bhoi 1, North Garo Hills 1, West Jaintia Hills 2 bad East Jaintia Hills 1.

Ki nongpang kiba la ioh pat iaka jingkoit ki don haduh 30 ngut. Kine ki kynthup na East Khasi Hills 6, West Garo Hills 3, Ri Bhoi 5, West Khasi Hills 2, South West Khasi Hills 3, West Jaintia Hills 1, North Garo Hills 3, South Garo Hills 2, Eastern West Khasi Hills 1, East Jaintia Hills 1 bad East Garo Hills 3.

Ka jingdon jong ki briew bala ïabit ïa kane ka jingpang khlam ha Jylla baroh ka long 93557 ngut bad napdeng kine 91831 ngut kila ïoh ïa ka jingkoit.

Ka East Khasi Hills ka don 37 ngut kiba shitom ne active case, West Garo Hills 11, Ri Bhoi 25, West Jaintia Hills 14, South West Garo Hills 6, South West Khasi Hills 6, North Garo Hills 20, South Garo Hills 2, East Jaintia Hills 5, West Khasi Hills 10 bad East Garo Hills 8.