11 iabit thymmai iaka jingpang COVID-19, kiba koit 25 ngut

Syllad | The Rising MeghalayaNovember 14, 2021

Haka Sngi U Blei 11 ngut ki briew kila iabit thymmai iaka jingpang khlam COVID-19, kiba ioh pat iaka jingkoit ki don 25 ngut bad ym don mano mano ba khlad.

Katkum ka jingpyntip ka tnad ka Koit ka Khiah, 11 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 263 ngut hapoh ka Jylla.

Na kine ki 263 kiba dang shitom, ka East Khasi Hills ki don 189 ngut kiba dang shitom, West Garo Hills 24, West Khasi Hills 17, Ri Bhoi 15, East Garo Hills 8, East Jaintia Hills 4, West Jaintia Hills 4, South Garo Hills 1 bad South West Garo Hills 1.

Ka North Garo Hills bad South West Khasi Hills ym don shuh mano mano kiba iabit thymmai iaka jngpang COVID-19.

Ki briew kiba iabit thymmai iaka jingpang khlam ki kynthup na EGH: 1, EKH: 8 bad WGH: 2.

Ki nongpang kiba la ioh pat iaka jingkoit ki don haduh 25 ngut. Kine ki kynthup na EKH: 22, WGH: 2, bad WKH: 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 84024 ngut bad napdeng kine 82299 ngut kila ïoh ïa ka jingkoit bad 1462 ngut kiba ïap.