11 klur mang ka NEC ban pynkylla dur thymmai ia ka Iewduh

Syllad | The Rising MeghalayaFebruary 9, 2024

U Secretary ka North Eastern Council (NEC), u K Moses Chalai haka 8 tarik Rymphang, ula pyntip ba ka NEC ka la mynjur ia ka song jingiarap pisa kaba T.11 klur na ka bynta ban pynkylla dur thymmai ia ka Iewduh kaba dei ka jaka iew kaba la rim tam kaba don  ha ka Nongbah Shillong.

Haba kren sha ki lad pathai khubor u Chalai u la ong; “Ngi la pynkhreh ban pynthymmai biang ia ka Iewduh (Bara Bazaar). Ngi la ai ka jingmynjur, hynrei ia kane ka pisa yn dang pyllait.”

U la ong ruh ba ka jinglut jingsep na ka bynta kane ka projek kan kot sha kumba T.11 klur. Katkum ka jingpynpaw ka jong u la ong ba ia kane ka song pisa lah ban pyllait noh hapdeng kine ki ar lai bnai ki ban wan.