11 kol jop ka Veterinary pyrshah iaka Agriculture haka inter office football ka MSGEF

Syllad | The Rising MeghalayaNovember 29, 2021

Ka Veterinary kala jop da 11-1 kol pyrshah iaka Agriculture haka jingiakhun football inter office kaba pyniaid da ka Meghalaya State Government Employees’ Federation (MSGEF) kaba long ha Kiang Nangbah Stadium haka sngi Nyngkong.

Ha kane ka jingiakhun la mih paw ar tylli ki hattrick nakaliang ka Veterinary lyngba u Samehi Ryngki (4, 5, 65, 66) bad na u Lewotki Pariat (9, 31, 39, 72). Nalor u Lewotki bad u Samehi la iarap thep sa mar shi kol da u Deibormi Rangad (11) bad u Shoristar Suna (79).

Shi kol pat kala mih paw naka own goal ne bakla thep hi u Heinimiki Dkhar (77) jong ka Agriculture.

Nakaliang ka Agriculture kala ioh thep shi kol lyngba u Sainborlang Dkhar (74).