11 tarik K’Lyngkot ka jingiaid paidbah ban ialap pynbha iaka wah Myntdu

Syllad | The Rising MeghalayaJanuary 9, 2022

Ka Khooid Ya ka Wah Myntdu, (KYKWM) kan pynlong iaka jingiaid paidbah ba jai jai ban ialap pynsgewthuh paidbah ban iada bad pynbha iaka wah Myntdu, kaba tip kum ka tawiar ka takan jong ka sor Jowai haka 11 tarik Kyllalyngkot 2022.

Kane ka jingiaid paidbah kan sdang naduh ka por 10 baje mynstep na madan ialehkai ka shnong Mihmyntdu bad yn iaid lyngba ka Ladthadlboh, Newhill, Iawmusiang bad yn pynkut ha madan Jrisalein, Chutwakhu, Jowai.

Ka jingthmu jong kane ka jingiaid paidbah kalong ban kyrsiew iaki paidbah nongshong shnong bad ki shnong ba marjan ka Jowai ban ai jingiada bad pynbha biang iaka sawdong sawkun ka wah Myntdu kaba la shah pynjulor ha u khun bynriew.

Ka Wah Myntdu kadei ka wah kaba bsa um bam um dih iaka sor Jowai, pynban kane ka wah katba nang mih ki sngi kala kylla long kaba jakhlia bad kaba ym biang shuh ia u briew ban pyndonkam iaka kum ka umdih umbam.

La khot la wer ia baroh ban wan sha kane ka jingiaid paidbah bad ka jingialang ban ialap pynsngewthuh na ka bynta ban ka jingaida iaka wah Myntdu.