116 tylli kurup masi ki shipai BSF na Hawaitilla
JOWAI: Ki shipai BSF jong ka Hawaitilla BOP kila kurup haduh 116 tylli ki masi tang ha une u bnai Risaw kiba thmu ban shalan beaiñ sha ri Bangladesh. Ia kine ki masi la kurup haka por janmiet katba ki dang pahara ha khappud kaba hap ha Muktapur Police Patrolling Post.
U Superintendent of Police, West Jaiñtia Hills District ula ïa ïathuh ba ïa kine ki masi la kurup naduh ka 10 tarik une u bnai ha kaba ki shipai BSF kila kurup 42 tylli ki masi, 14 tylli ki masi haka 11 tarik , 8 tylli ki masi 15 tarik, 19 haka 17 tarik bad haka 22 tarik la ïoh kurup 33 tylli ki masi.
![](https://www.syllad.com/wp-content/uploads/2024/09/JIT-Vacancy-823x1024.avif)
Baroh kine ki masi la ïoh kurup haka por shuwa ka 10 baje mynmiet.
Ha kaba ïadei bad kane ka jingïoh kurup ïa kine ki masi kino kino ki trai ba shah tuh masi bad kino kino kiba don jingtip halor ka jingshah tuh masi ban wan mih ha Muktapur Police Patrolling Post lane ha Dawki Police Station lane phone ha kine ki number 7005394478 / 6909506865 katba lah kloi.
Leave a Reply