12 iabit thymmai iaka jingpang COVID-19

Syllad | The Rising MeghalayaJanuary 1, 2022

Haka sngi Saitjain 12 ngut ki briew kila iabit thymmai iaka jingpang khlam COVID-19 bad da kane kiba dang shitom ne active case ka long 73 ngut hapoh Jylla.

Katkum ka jingpyntip ka tnad ka Koit ka Khiah, kine 12 ngut ki briew kiba ïabit thymmai ïa kane ka jingpangkhlam ki kynthup iaka East Khasi Hills 10, Ri Bhoi 1 bad West Garo Hills 1.

Ki nongpang kiba la ioh pat iaka jingkoit ki don haduh 6 ngut. Kine ki kynthup na East Khasi Hills 4, East Jaintia Hills 1 bad North Garo Hills 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 84839 ngut bad napdeng kine 83282 ngut kila ïoh ïa ka jingkoit bad 1484 ngut kiba ïap nalor ki briew ba dang shitom.

Ka East Khasi Hills kadon 59 ngut kiba dang shitom ne active case, West Garo Hills 7, Ri Bhoi 5 bad East Jaintia Hills 2.