12 sngi ngat Judicial Custody u Meban bad ki 2 ngut halor ka jingiap u Pynkhreh Surong

Syllad | The Rising MeghalayaApril 2, 2023

U Meban Talang bad ar ngut kiwei pat kiba shah kem ha ki pulit jong ka Jowai Police Station halor ka jingshah suba ba ki donkti ban pyniap ia u Pynkhreh Surong kila ngat haka Judicial Custody kaba 12 sngi.

Ki Pulit ka Jowai Police Station haka Sngi U Blei kila rah biang ia kine ki lai ngut sha iingbishar hadien bala kut ka jingtohkit ki pulit bad ka iingbishar kala rai ban tohkit iaki 12 sngi hapoh Judicial Custody.

Kine ki lai ngut ki suba ki dei u Meban Talang, Sambun Dkhar bad u Jimmy Kyndait.

U Meban Talang bad u Sambun Dkhar la kem iaki ha ka 21 tarik u bnai Lber bad tang hadien shisngi bala kila shah kem la lap iaka metiap u Pynkhreh naka jaka khlaw ha Pommura kaba hap ha Mawryngkneng Police Station. Hadien pat la iohkem ia u Jimmy Kyndait haka 28 tarik u bnai Lber.

Kumban shu pynkynmaw ba une u Pynkhreh Surong uba na ka shnong Mynsngat ula shah rahbor bad shah pyniap dusmon naduh ka 9 tarik Lber 2023.

Dei hadien ar taiew, u Pynkhreh Surong ula jah rngai ryngkat bad ka kali Mahindra Pick Up, haka step 22 tarik Lber kiba ha iing jong u kila kila ioh jingtip ba u Pynkhreh ula shah pyniap. La lap iaka met jong u na jaka khlaw na Pommura, kaba hap ha Mawryngkneng Police Station, East Khasi Hills District.

Halor kane ka jingjah rngai u Pynkhreh ki pulit kila ioh iaka FIR ha ka 21 tarik Lber ha Nartiang Police Station ba u Pynkhreh Surong uba na Mynsngat, ula jah nala iing naduh 9 tarik Lber ryngkat bad ka kali Mahindra pick up kaba dang thymmai.