130 iabit thymmai iaka jingpang COVID-19, khlad I wei

Syllad | The Rising MeghalayaOctober 2, 2021

Haka sngi Saitjain ki don 130 ngut ki briew kiba iabit thymmai iaka jingpang khlam COVID-19, I wei ila khlad bad da kane ka jingiap kala kynjoh sha 1405 ngut ha Jylla.

I ne I ba khlad I dei na East Khasi Hills

Kat kum ka jingpyntip ka Tnad ka Koit ka Khiah, 130 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 1557 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 3, EJH: 2, EKH: 84, NGH: 1; RBD: 9, SWKH: 4, WGH: 1, WJH: 10 bad WKH: 16.

Ki nongpang kiba la ioh pat iaka jingkoit ki don haduh 238 ngut. Kine ki kynthup na EJH: 1, EKH: 75, RBD: 86, SWGH: 1, SWKH: 9, WGH: 4, WJH: 21 bad WKH: 41.

Ka jingdon jong ki briew bala ïabit ïa kane ka jingpang khlam ha Jylla baroh ka long 81575 ngut bad napdeng kine 78613 ngut kila ïoh ïa ka jingkoit bad 1405 ngut kiba ïap nalor ki briew ba dang shitom.