14 snem kynthih rai set phatok ka iingkashari ia uba donkti leh beijot ia ka khynnah

Syllad | The Rising MeghalayaApril 23, 2025

Ka iingkashari i SG Momin, Special Judge (POCSO) ka East Khasi Hills ka la rai pynrem da kaba set phatok 14 snem kynthih ha ryngkat bad ka kuna kaba T.10,000 ia u runar uba la tip kyrteng kum u Pynshngainborlang Wansai namar ka jingdonkti ha kaba leh beijot ia kawei ka khynnah ha u snem 2018.

Ka iingkashari ka la pynbna ia kane ka rai pynrem pyrshah ia une u runar ha ka 21 tarik Iaiong 2025, bad ba un hap ban shong tam sa ar bnai ha phatok lada um lah ban siew ia kane ka kuna.

Une u runar u la shah rai pynrem hapoh ka kyndon 6 jong ka POCSO Act.

Ia ka jingtohkit halor kane ka jingja la tohkit da ka WP SI L Kharjana kaba don mynta hapoh Lumdiengjri police station.