14 sngi ai por ka JAF ban pyndam iaka NOC saiñ rnga dewiong

Syllad | The Rising MeghalayaAugust 6, 2020

Ka Joint Action Forum (JAF) mynta ka sngi kala shim iaka rai ban ai por 14 sngi ïaka Jaintia Hills Autonomous District Council (JHADC) bad ka sorkar jylla ban pyndam iaka NOC jong ka kharkhana saiñ rnga dewiong ha Wah deinling, Elaka Rymbai, East Jaintia Hills District.

Kane ka kharkhana ka dei ka M/s Unique Industry Coke Factory, kala ioh NOC naduh u bnai Lber 2020 na ka JHADC ban shna ha Umdeinling kaba hapoh u pud u sam ka shnong Umsatai, Deinsatlang, Ladwahwapung bad ka shnong Pynurkba jong ka Elaka Rymbai.

Ka JAF kaba kynthup iaki saw tylli ki seng, ka SBYWA, JSM, JYF, NEIF bad saw tylli ki shnong ka Umsatai, Ladwahwapung, Deinsatlang, bad Pynurkba kila rai ban mih paidbah haka 17 tarik une u bnai lada ka JHADC bad ka sorkar kim pyndam iaka NOC ka M/s Unique Industry Coke Factory.