15 iabit thymmai iaka jingpang COVID-19, khlad 2

Syllad | The Rising MeghalayaMarch 6, 2022

15 ngut ki briew kiba iabit thymmai iaka jingpang khlam, 2 ngut kiba khlad bad da kane ka jingdon ki briew kiba iap pang COVID-19 kala kynjoh sha ka 1585 ngut haka Sngi U Blei.

Kine kiba khlad ar ngut ki dei na East Garo Hills bad Ri Bhoi District.

Katkum ka jingpyntip ka tnad ka Koit ka Khiah, ki briew kiba kiba dang shitom ne ki active case ka long 143 ngut hapoh ka Jylla.

Ki briew kiba iabit thymmai iaka jingpang khlam ki kynthup na West Garo Hills 4, West Jaintia Hills 3, Ri Bhoi 3, East Garo Hills 2, South West Garo Hills 1, East Khasi Hills 1 bad Eastern West Khasi Hills 1.

Ki nongpang kiba la ioh pat iaka jingkoit ki don haduh 17 ngut. Kine ki North Garo Hills 6, East Khasi Hills 4, Ri Bhoi 3, South West Garo Hills 3 bad West Garo Hills 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 93597 ngut bad napdeng kine 91869 ngut kila ïoh ïa ka jingkoit bad 1585 ngut kiba ïap.

Ka East Khasi Hill ka don 29 ngut kiba shitom ne active case, West Garo Hills 13, Ri Bhoi 31, West Jaintia Hills 18, South West Garo Hills 3, South West Khasi Hills 3, Eastern West Khasi Hills 2, North Garo Hills 14, South Garo Hills 2, East Jaintia Hills 7, West Khasi Hills 11 bad East Garo Hills 10.