15 tarik Nailur yn sdang ka dorbar Synrai ka Meghalaya Assembly

Syllad | The Rising MeghalayaAugust 31, 2023

Ka Dorbar Synrai jong ka iingdorbar Assembly ka jylla kan sdang naduh ka 15 haduh ka 22 tarik u Nailur 2023.

Ia kane ka jingpynkhreh na ka bynta kane ka dorbar ka ban wan la mynjur ha ka jingialang Business Advisory Committee (BAC) ba la pyniaid da u Lamphang ka iingdorbar thaw ain u Thomas A Sangma kaba la long mynta ka sngi Balang.

Ha kane ka jingialang la ia don lang ruh u Symbud Mynri Rangbah ka jylla uba dei ruh u  in-charge ka Parliamentary Affairs u Bah Prestone Tynsong bad u dkhot ka liang pyrshah uba dei u president ka AITC u Bah  Charles Pyngrope.

Haba kren sha ki lad pathai khubor, u Sangma u pyntip ba kane ka jingialang dorbar kan long san sngi kynthih ha kaba lai sngi yn iakren halor ki kam kiba iadei bad ka sorkar bad ar sngi yn iakren halor ki kam kiba iadei bad ki MLA.