15 tarik Naiwieng ka jingialang ki transporter ha Guwahati halor ki weighbridge beaiñ ha Jylla

Syllad | The Rising MeghalayaOctober 23, 2021

U Ma Balen Thubru president All Jaintia Cement and Clinker Transporters, Association (AJCCTA) ula iathuh ba 15 tarik u Naiwieng kan don ka jingialang ki transporter na ki jylla bapher bapher halor ki weighbridge ba pynïaid beaiñ ha Jylla.

Ula ong ba ki nongkit nongbah (transporters) mar na kawei ka jylla sha kawei kin shim iaka rai kumno kin leh ia kine ki weighbridge ha kane ka jingialang hadien bala mih khubor ba u myntri ka Ministry Road Transport and Highways (MoRTH) ula ong ba ki don bun ki weighbridge ha surok bah NH 6 kidei kiba la pyntreikam beaiñ.

Ha kane ka jingialang yn shim iaka rai ban pynduh pyndam iaki weighbridges kiba beaiñ bad kum kane ka la jia teng ha ki snem kiba mynshuwa ba la hap ban iakhih bad hadien pat ka sorkar jylla kala rai ban buh tang ha ki entry exit point, pynban mynta ha Meghalaya hadien bala pyndam iaka Umtyra, Umling Hynniawmer la mih ha Jowai Bypass (Khliehtyrshi), la ong u ma Balen Thubru.

U Myntri ka tnad Transport barim ka Jylla ula kam ba kine ki weighbridge ha Jylla kim dei kiba beaiñ bad la pyntreikam katkum ka kyndon weighbridges policy.

“Ngim don jingpyrshah iaki weighbridge, hynrei ia kiba beaiñ ka sorkar ka dei ban pyndam iaki mardor,” la ong u ma Balen bad la dawa ki weighbridge kim dei ban shain kuna iaki trok palat ia kaba dor kaba la buh.