150 tylli ki permit taxi kamai yn pyllait ha West Jaintia Hills
U Deputy Commissioner & Chairman Regional Transport Authority, West Jaintia Hills u la pyntip paidbah ba ka Transport Department, Meghalaya ka la ai bor ia ka Regional Transport Authority, West Jaintia Hills District, Jowai ban pyllait Permit Local Taxi 150 tylli naka bynta ki samla bym don kam don jam.
Kino kino kiba kwah ban apply ki lah ban wan buh ia ki application jong ki ha ka office jong u District Transport Officer bud Secretary, Regional Transport Authority, West Jaintia Hills District, Jowai bad ia ki application yn pdiang haduh ka 31 tarik u May, 2022.
Ki jing donkam ki long kumne harum:
1. Application Form ( lah ban ioh naka office jong u District Transport Officer bad Secretary, Regional Transport Authority, West Jaintia Hills District, Jowai.)
2 Residential Certificate naka Dorbar Shnong ryngkat bad ka jing pynshisha na uka Block Development Officer.
3. Epic/Voter Id.
4. Unemployment Certificate na Employment Exchange, Labour Department ia kiba lah dep
pule/ Self declaration naka bynta bym don kam don jam ia ki ba khlem leit skul.
5. Disability Certificate ia kiba don jing duna ha ki dkhot met.
6. Self-declaration naka bynta bym pat don local taxi ha ka kyrteng jong u/ka.
7. Ka application khlem ki kot ki sla kiba biang yn kyntait noh da ka Regional Transport Authority.
8. Kino kino ki ba ai declaration ba bakla, ka Regional Transport Authority ka lah ban pynduh ne cancel noh ia ka permit jong ki.
la ki application yn sa screen/peit bniah daka Regional Transport Authority bad ia ka list ba la jeid yn sa pynmih ha ka notice board jong ka office u District Transport Officer bad Secretary, Regional Transport Authority, West Jaintia Hills District, Jowai.
Facebook
Instagram
Youtube
Twitter
I wa sakhit hi. Snaw suk u snaw kam ka ni ka khubor wa da pyllait parmit local biang la sorkar. Te ha wa kamte ka sorkar da dep pynkhreh ko iei tahw kamai ia u surok u wa kylluid ioh u lait na i blok, mo kite ki parmit thymme ioh u kamai dei jrong suin mo. Hawa tang ki wa da em leh deibor te lat tang ka bai phniang te sa 150 tylli hi u mih kari local taxi te tip kammon ka iaw dang nud mo tang u dihcha sngi, boi ia duk klah na kata theh phning kamjuh leh u su bai malik. Kate leh ka ni toh ka jing snaw iongnga wa hachwa u pyllait ka sorkar ia ki parmit taxi toh u pyrkhat chwa ko ia i thaw kamai kamjuhleh ia u surok toh u pynheh. Khublei chibone