159 iabit thymmai iaka jingpang COVID-19, khlad 2

Syllad | The Rising MeghalayaJanuary 11, 2022

Haka sngi ba ar 159 ngut ki briew kila iabit thymmai iaka jingpang khlam COVID-19, khlad 2 bad da kane ka jingdon jong ki briew kiba iap pang COVID-19 kala kynjoh sha 1489 ngut ha Jylla.

Kine ki ar ngut kiba khlad ki dei na ka East Khasi Hills District.

Katkum ka jingpyntip ka tnad ka Koit ka Khiah, 159 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 578 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 131, West Garo Hills 14, Ri Bhoi 6, West Jaintia Hills 4, West Khasi Hills 3 bad East Jaintia Hills 1.

Ki nongpang kiba la ioh pat iaka jingkoit ki don 27 ngut. Kine ki kynthup na East Khasi Hills: 25, West Garo Hills 1 bad West Jaintia Hills 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 85463 ngut bad napdeng kine 83396 ngut kila ïoh ïa ka jingkoit bad 1489 ngut kiba ïap nalor ki briew ba dang shitom.

Ka East Khasi Hills kadei ka don haduh 475 ngut kiba dang shitom, West Garo Hills 58, Ri Bhoi 21, West Jaintia Hills 10, East Jaintia Hills, South West Khasi Hills bad West Khasi Hills ki don mar 4 ngut kiba shitom, ka North Garo Hills bad East Garo Hills mar 1 kiba shitom.