16 iabit thymmai iaka jingpang COVID-19

Syllad | The Rising MeghalayaDecember 11, 2021

Haka sngi Saitjain 16 ngut ki briew kila iabit thymmai iaka jingpang khlam COVID-19 bad da kane ka jingdon jong ki briew shitom ne active case kalong 214 ngut ha Jylla.

Katkum ka jingpyntip ka tnad ka Koit ka Khiah, kine 16 ngut ki briew kiba ïabit thymmai ïa kane ka jingpangkhlam ki kynthup na EKH 8, EGH 4, WGH 3 bad WKH 1.

Ki nongpang kiba la ioh pat iaka jingkoit ki don haduh 18 ngut. Kine ki kynthup na EKH 16, RBD 1 bad WKH 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 84680 ngut bad napdeng kine 82990 ngut kila ïoh ïa ka jingkoit bad 1476 ngut kiba ïap nalor ki briew ba dang shitom.

Ka East Khasi Hills kadon 182 ngut kiba dang shitom, East Garo Hills 10, West Garo Hills 7, West Khasi Hills 6, East Jaintia Hills 4.

Mar ar ngut kiba shitom ha West Jaintia Hills bad Ri Bhoi bad 1 na South Garo Hills.