16 post khlem Advertise ka tnad ka koit ka khiah, ong ka KSU East Jaintia Hills

Syllad | The Rising MeghalayaMarch 8, 2024

Ka Khasi Students’ Union (KSU), East Jaintia Hills District Unit kala kynnoh ba haduh 16 tylli ki post kiba thylli haka tnad Ayush jong ka tnad ka koit ka khiah ka khlem pynbna.

Ka KSU haka shithi haka 6 tarik Lber, kala pan jingshai na u Deputy Commissioner, East Jaintia HIlls uba dei ruh Chairman District Ayush Society ban ai jingshai halor 16 tylli ki post kiba ym shym la advertise ne pynbna paidbah hapoh ka Ayush Mission.

Ha kawei pat ka ka liang ka KSU kala kdew ruh halor ka jingbym advertise (pynbna) iaki 7 tylli ki post kiba kynthup iaka kam Ward Boy, Ward Girl, Sweepers, Cook, Chowkidar, Peon bad Jamandar.

Ka KSU kala kyntu ia u DC ban tuklar halor kane ka bynta ban wanrah iaka jingkhuid jingsuba haka thungkam thungjam bad ban ailad ia ki briew kiba dei hok ban ioh iaka kam.