17 tylli ki shnong ba iashimbynta haka jingshad New Year ha Jowai

Syllad | The Rising MeghalayaJanuary 1, 2024

Ka jingpdiang ia u snem thymmai ha sor Jowai, kumba ju long man la u snem, mynta ka kynti ruh ka la long kaba shongshit bad shongkun ha kaba ki nongshong shnong jong ki shnong bapher bapher kila mih paidbah sha surok ban shad bad ai khublei ia u snem bad barim bad pdiang burom ia u snem thymmai (New Year) 2024.

Mynta ka kynti ki shnong kaba iashimbynta thymmai ka dei ka shnong Panaliar.

Nalor ka shnong Panaliar, ki shnong kiba ju iashimbynta kiba kynthup iaka Khimusniang, Mynthong, Chutwakhu, Tympang Iawmusiang, Lion Mission Compound, Tpep Pale, Lumpariat, Mookyrdup, Caroline Colony, Ladthadlaboh, Moosalyngkat, Dongmihsngi, Salaroh, Loomsooiung Newhill, Khliehiongriang bad ka Pynthornein Myntdu kila mih paidbah ban shad kynhoi risa ryngkat ka jingsawa ki sur jingrwai.

Baroh kine ki shnong hadien bala dep khana shnong kila wan sha Iawmusiang ka jaka bala pynkhreh da ka Synjuk Waheh Chnong ha ryngkat ka District Tourism Officer, West Jaintia Hills ban pyni iaka jingbun paidbah bad ka jinglong ryntih khamtam ka jingdon iaka mynsiem tylli ka rukom shad ryngkat ki sur jingrwai bala pynkhreh kyrpang nala ki jong ki jong ki shnong.

Ka Synjuk Waheh Chnong bad ka tnad Tourism kila ai da ka memento ban sah kynmaw iaka jingiashimbynta kane ka jingshad ban pdiang burom ia u snem thymmai.