166 iabit thymmai iaka jingpang COVID-19

Syllad | The Rising MeghalayaJanuary 12, 2022

Haka sngi Balang 166 ngut ki briew kila iabit thymmai iaka jingpang khlam COVID-19 bad da kane ka jingdon ki briew kiba shitom ne active case kalong 701 ngut hapoh Jylla.

Katkum ka jingpyntip ka tnad ka Koit ka Khiah, 166 ngut ki briew kiba ïabit thymmai ïa kane ka jingpangkhlam bad kine kiba iabit thymmai ki dei na East Khasi Hills 143, West Garo Hills 8, Ri Bhoi 8, West Jaintia Hills 3, West Khasi Hills 2, East Garo Hills 1 bad South West Khasi Hills 1.

Ki nongpang kiba la ioh pat iaka jingkoit ki don haduh 43 ngut. Kine ki kynthup na East Khasi Hills 36 bad West Garo Hills 7.

Ka East Khasi Hills ka don 582 ngut kiba shitom, West Garo Hills 59, West Jaintia Hills 13, Ri Bhoi 29, West Khasi Hills 6, South West Khasi Hills 5, East Jaintia Hills 5, South Garo Hills 1 bad North Garo Hills 1

Ka jingdon jong ki briew bala ïabit ïa kane ka jingpang khlam ha Jylla baroh ka long 85629 ngut bad napdeng kine 83439 ngut kila ïoh ïa ka jingkoit bad 1489 ngut kiba ïap nalor ki briew ba dang shitom.