17 iabit thymmai iaka jingpang COVID-19, khlad 1

Syllad | The Rising MeghalayaNovember 29, 2021

Haka sngi Nyngkong 17 ngut ki briew kila iabit thymmai iaka jingpang khlam COVID-19, iwei iba khlad bad da kane ka jingdon jong ki briew kiba iap pang COVID-19 kala kynjoh sha 1472 ngut ha Jylla.

Ine iba khlad iwei i dei iba na East Khasi Hills.

Katkum ka jingpyntip ka tnad ka Koit ka Khiah, 17 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 285 ngut hapoh ka Jylla.

Ki briew kiba iabit thymmai iaka jingpang khlam ki kynthup na EKH: 14 bad RBD: 3.

Ki nongpang kiba la ioh pat iaka jingkoit ki don haduh 32 ngut. Kine ki kynthup na EKH: 23, RBD: 1, EGH 1, EJH: 1, WGH: 2 bad WKH 4.

Naki 285 ngut kiba shitom ka East Khasi Hills kadon 237 ngut kiba shitom, West Khasi Hills 13, West Jaintia Hills 10, Ri Bhoi 10, West Garo Hills 9, East Jaintia Hills 1 bad East Garo Hills 5.

Ka jingdon jong ki briew bala ïabit ïa kane ka jingpang khlam ha Jylla baroh ka long 84461 ngut bad napdeng kine 82704 ngut kila ïoh ïa ka jingkoit bad 1472 ngut kiba ïap nalor ki briew ba dang shitom.