172 iabit thymmai iaka jingpang COVID-19, khlad 2 ngut

Syllad | The Rising MeghalayaOctober 3, 2021

172 ngut ki briew kiba iabit thymmai iaka jingpang khlam COVID-19, 2 ngut kiba khlad bad da kane ka jingiap kala kynjoh sha 1407 haka jylla haka Sngi U Blei.

Kine kiba khlad ki dei na Ri Bhoi bad na West Khasi Hills.

Kat kum ka jingpyntip ka Tnad ka Koit ka Khiah, 172 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 1547 ngut hapoh ka Jylla.

Ki briew kiba iabit thymmai iaka jingpang khlam ki kynthup na EJH: 2, EKH: 106, RBD: 4, SWKH: 3, WGH: 2, WJH: 13 bad WKH: 42.

Ki nongpang kiba la ioh pat iaka jingkoit ki don haduh 180 ngut. Kine ki kynthup na EGH: 1, EJH: 2, EKH: 70, RBD: 11, SWKH: 10, WGH: 3, WJH: 14 bad WKH: 69.

Ka jingdon jong ki briew bala ïabit ïa kane ka jingpang khlam ha Jylla baroh ka long 81747 ngut bad napdeng kine 78793 ngut kila ïoh ïa ka jingkoit bad 1407 ngut kiba ïap nalor ki briew ba dang shitom.