18 jait ki jingialehkai haka North East Olympic Games ka ban long ha nongbah Shillong

Syllad | The Rising MeghalayaAugust 10, 2022

Ki nongialam ba hakhmat jong ka synjuk ialehkai ha ka thain shatei lam mihngi ka ri, katta ka North East Olympic Association, ki la wan poi mynta ka  ka nongbah Shillong ha kaba ki la wan artad shakhmat ban pynbna ia ka rai ba kin khreh ha kaban pynlong haduh 18 tylli ki jait jingialehkai ne ki discipline, na ka bynta ka sien kaba ar jong ka North East Olympic Games kaban long naduh ka 30 tarik u Risaw haduh 8 tarik u Naiwieng 2022 hangne ha ka nongbah Shillong.

Ia kane la pynbna ia ka da u President jong ka NEOA u Th Radheshyam ba dei artad u MLA haba kren bad ki lad pathai khubor haka sngi Balang.

Ki 18 tylli ki jingialehkai ban pynlong ha ki 13 tylli ki jaka ki kynthup archery, athletic, badminton, basketball, boxing, football, judo, karate, shooting, swimming, table tennis, taekwando, tennis, wushu, cycling, golf weightlifting bad wrestling.

Kane ka jingpynbna ka jong u TH Radheshyam ka jia long hadien ba ka kynhun jong ka NEOA, mynta baroh shi  sngi ki la shong ia ka jingialang kaba la don lang ruh da u Myntri ba dei khmih ia ka tnat sports & youth affairs ka sorkar jylla u bah Banteidor Lyngdoh bad kumjuh ia ki dkhot nongkitkam jong ka North East East Organising Committee, ki nongtrei jong ka tnat Sports & Youth Affairs bad kiwei kiwei.

Haba iadei bad kane, naka liang u bah Banteidor Lyngdoh u kam ba ka jingpynlong ia kum kane ka lympung ka long shisha kaei kaei kaba kongsan ka lympung ban wanrah ia ka nam bad burom ia ka jylla hiu baroh kawei.

Haba iadei bad ki jaka ban pynlong ia kane ka lympung, u bah Banteidor u pynpaw ba kumba ka long ia mynta, ka JN Stadium, Polo ka dang don hapdeng ka jingtei bad pynthymmai ia ka, hynrei ban pynlong ia ka North Olympic Games, ka jingdon jong ki madan ialehkai ka shlem ai jinghikai ka SAI SAG NEHU, ka long kaba la biang lut nadong shadong bad bynrap bad kiwei de ki jaka ne ki madan ialehkai ba don ha kylleng ka nongbah Shillong kiba la biang naka bynta ban lah ha kaban pynlong ia kane ka lympung.,