18 tylli ki takma khur ki nongialehkai Wushu ka East Khasi Hills haka Meghalaya Games
Ka jingialehkai jong ka Wushu ha ka lympung ialehkai jong ka Meghalaya Games kaba san ka la poi sha kaba kut haka 18 tarik Kyllalyngkot.
Ka resol ka long ba ka East Khasi Hills District ka la lah ha kaban bat ia ka kyrdan kaba halor duh jong ka miej khur takma, hadien ba kane ka kynhun ka la lah ba kan kur aduh 10 tylli ki takma ksiar 5 tylli ki takma Rupa bad 3 tylli ki takma Rnong, ka district kaba wan ban bat ia ka kyrdan kaba ar dei ka Ri-Bhoi District kaba la lah ba kan khur 5 tylli ki takma ksiar bad 2 tylli ki takma Rnong, katba ka District kaba la wan ban bat ia ka kyrdan kaba lai dei Noth Garo Hills kaba la ioh ba kan khur 2 tylli ki takma ksiar, 4 tylli ki takma Rupa bad 1 I takma Rnong.
![](https://www.syllad.com/wp-content/uploads/2024/09/JIT-Vacancy-823x1024.avif)
Na ka liang kibor ba dei khmih, ki niew bad shim ba ka jingialehkai Wushu ha kane ka lympung ka kren shai kdar ia ka jingsdang ba kan kiew bad ruh ban suthied bha ha kane ka jylla, ka daw bah kaba la pynlong ia ki ban ong kumne ka long ba lada khmih bha ia ka jingioh ban khur takma, la lap bad shem ba nalor kitei ki lai tylli ki district kiba la kdew haneng, kiwei kiwei ruh ki samla ba la wan iashim bynta na kiwei pat ruh ki district kim shym la leit phai thylli sha la iing namar ba la don ki rang ne ki thei ialehkai kiba la ioh ban khur lem ia la ki takma ki jong ki.
Leave a Reply