185 hectare yn thung dieng ka tnad Soil ha West Jaintia Hills District

Syllad | The Rising MeghalayaJune 4, 2022

Ka ophis u Divisional Soil and Water Conservation Officer, West Jaintia Hills District kum shibynta ban rakhe kynmaw burom iaka Mei Ramew ne ka World Environment Day kala sdang iaka prokram thung dieng ne ka Afforestation jong ka ha madan Hula Moosyiem, Shangpung haka sngi Thohdieng.

Kane ka prokram thung dieng kalong halor ka phang “Only One Earth” (Living sustainably in harmony with nature).

U Ma T War, Divisional Soil and Water Conservation Officer, ula ïathuh ba sorkar Jylla ka buh thong ban thung dieng haduh 2 hajar hectare ha baroh kawei ka Jylla bad ha West Jaintia Hills District la buh thong ban thung dieng haduh 185 hectare.

U Ma Comingone Ymbon, MLA ka thain Raliang haba kren kum u kongsan ula kren bynñiaw halor ka jingjulor ka sawdong sawkun ka mariang. Ula ong ki khlad ki btap kila syllen bad duh noh na ka jingth mar pohkhyndew, ka jingpom pathar iaki dieng bad ka jingthang iaki lum ki wah.

Sha ka Waste Recovery ha Centre Umpling ïalam ka JMB ïa ki Waheh Chnong

“Ka jingitynnad ka sawdong sawkun ka mei ramew kala duh noh ha kaba ki um ki wah kila julor bad kylla bih na ka jingtih mar pohkhyndew bad ka jingbret pathar iaki jaboh jabain,” la ong u ma Coming bad ula ong ruh ba ka por kala dei eh ban kyndit bynriew bad ban jur ia u paidkar ban tyngkai iaka jingbuh jingsat ka mariang ban myntoi u pateng ban wan da kaba pynmlien ban thung bujli bun tylli ki symbai ne tynrai dieng lada pom ïa uwei u dieng.

Ula kyntu ïa baroh ki nongshong shnong ban long ki nongpahara ne ki volunteer ban iakhun ban pynneh pynsah ïaka sawdong sawkun ka mariang.

Kiwei kiwei kiba kren ki kynthup ia u Dolloi Elaka Shangpung Chanki Langbang uba long kum u symbud kongsan, u Bah L Sohlang AS&CWO, waheh shnong Moosyiem u Ma Richardson Langbang nalor kiwei kiwei.

La pynphuh pynphieng ïa kane ka sngi da ki jingrwai na ka Presbyterian Higher Secondary School Shangpung, Shlem Ki Sur Tynre Shangpung.