189 ngut ki nongialehkai mihkhmat iaka West Jaintia sha ka Meghalaya Games ha Tura

Syllad | The Rising MeghalayaJanuary 12, 2024

Haduh 189 ngut ki rang bad thei ialehkai ka District kiba mihkhmat iaka West Jaintia Hills sha ka lympung ialehkai baheh ka jylla ka ‘5th Meghalaya Games 2024’.

Kane lympung ialehkai kan sdang naduh ka 15 tarik haduh 20 tarik Kyllalyngkot ha nongbah Tura, West Garo Hills District.

Na kine ki 189 ngut ki nongialehkai, 117 ngut dei ki shynrang, 72 ngut dei ki kynthei bad 27 ngut ki Caoch bad Manager.

Ki rang bad thei ialehkai ka district kin shim bynta haki 16 tylli ki jait jingialehkai kynthup naduh ka Football, Athletic, Basketball, Archery, Volleyball, Karate, Judo, Taekwondo, Wushu, Boxing, Cycling, Arm Wrestling, Badminton, Mawpoin, Wapong Sika bad Rah Moo Khrah.

Haka U-18 Boy & Girls Football la don mar 16 ngut shynrang bad kynthei. Haka Athletic ki shynrang ki don 14 ngut katba ki kynthei 12 ngut. Haka Basketball 10 ngut ki shynrang 10 ngut ki kynthei. Haka Archery 4 ngut ki shnyrang, 2 ngut ki kynthei. Haka Volleyball 10 ngut ki shynrang.

Haka Karate 4 ngut ki shynrang bad 3 ngut ki kynthei. Ha Judo 5 ngut ki shynrang bad 4 ngut ki kynthei. Haka Taekwondo 11 ngut ki kynthei bad 9 ngut ki kynthei. Haka Wushu 6 ngut ki shynrang bad 1 kynthei.

Haka Boxing 7 ngut ki shynrang, 1 kynthei. Haka Cycling 6 ngut ki shynrang bad 1 kynthei. Haka Arm Wrestling 4 ngut ki shynrang bad 1 kynthei. Haka Badminton 3 ngut ki shynrang bad 3 ngut ki kynthei. Haka Mawpoin 8 ngut ki shynrang bad 8 ngut ki kynthei. Haka Wapong Sika 4 ngut ki shynrang. Haka rah Moo Khrah 5 ngut ki shynrang.