19 iabit thymmai iaka jingpang COVID-19, khlad 2

Syllad | The Rising MeghalayaMarch 2, 2022

19 ngut ki briew kiba iabit thymmai iaka jingpang khlam COVID-19, 2 ngut kiba khlad naka jingpang bad da kane ka jingdon ki briew kiba iap pang khlam kala kynjoh sha ka 1580 ngut ha Jylla haka sngi Balang.

Kine ki 2 ngut kiba khlad ki dei na East Khasi Hills bad Eastern West Khasi Hills.

Katkum ka jingpyntip ka Tnad ka Koit ka Khiah, ka jingdon ki briew kiba dang shitom ne ki active case ka long 158 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 8, Ri Bhoi 6, West Garo Hills 1, West Jaintia Hills 1, East Garo Hills 1, South Garo Hills 1 bad South West Garo Hills 1.

Ki nongpang kiba la ioh pat iaka jingkoit ki don haduh 19 ngut. Kine ki kynthup West Garo Hills 3, East Khasi Hills 4, North Garo Hills 1, Ri Bhoi 2, South West Garo Hills 2, West Jaintia Hills 3, Eastern West Khasi Hills 1, East Jaintia Hills 2 bad South West Khasi Hills 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 93516 ngut bad napdeng kine 91778 ngut kila ïoh ïa ka jingkoit bad 1580 ngut kiba ïap nalor ki briew ba dang shitom.

Ka East Khasi Hills ka don 51 ngut kiba dang shitom, West Garo Hills 12, Ri Bhoi 28, West Jaintia Hills 12, South West Khasi Hills 9, Eastern West Khasi Hills 2, South West Garo Hills 6, North Garo Hills 15, East Garo Hills 6, East Jaintia Hills 3, West Khasi Hills 10 bad South Garo Hills 4.