19 ngut ki nonghikai ka Shangpung College ba ioh myntoi naka People’s College Grant

Syllad | The Rising MeghalayaSeptember 25, 2021

Haduh 19 ngut ki nonghikai jong ka Shangpung College kila ioh jingmyntoi ne tulop sorkar naka skim People’s College Grant.

U Myntri ka tnad Pule Puthi Ma Lahkmen Rymbui ula aiti iaka sanction order haka jingialang akba long haka sngi Thohdieng ha katei ka kolej.

Ha kane ka jingialang laiadonlang u MLA, Comingone Ymbon, Additional Chief Secretary, DP Wahlang nalor kiwei kiwei.

U Ma Lahkmen haba kren kum u kongsan ula ban ba ka sorkar MDA hapoh ka jingialam u Conrad K Sangma kala shimkhia ban kyntiew iaka kam pule puthi haka jylla baroh kawei.

Kumban shu pynkynmaw na ki 9 tylli ki college kiba shah jied kum ki Peoples’ Colleges, 3 tylli ki dei na Rilum Jaintia kaba kynthup iaka Jaintia Eastern College, Khliehriat, Nongtalang College nalor ka Shangpung College.