1900 ngut ki nongialehkai & ₹70 lak la mang ban pynlut haka Meghalaya Games

Syllad | The Rising MeghalayaFebruary 12, 2020

SHILLONG: Palat 1900 ngut ki nongïalehkai kin ïashimbynta haki 14 tylli ki jait jingïalehkai bad ym duna ïaka ₹70 lak la mang ban pynlut ha ka lympung bah jong ka jylla, ka Meghalaya Games.

U Bah Banteidor Lyngdoh Myntri ka tnat Sports & Youth Affairs ka sorkar jylla, haba kren bad ki nongthoh khubor ha ka sngi Balang hadien ka jingialang pyrkhat kam jong ka Organising Committee kaba long ha Secretariat, ula ong “Ka tnat kan ka jingkyrshan kaba pura ïaka Meghalaya State Olympic Association (MSOA) ban pynlong ia ka Meghalaya Games ban plie lad ïaki khun samla ban pynpaw pyrthei  ïaka sap ba ki don ha ki kam ialehkai.”

Ha kane ka jingialang pyrkhat kam la iadonlang naduh ki nongialam bad ki dkhot ka MSOA, ka Director ka tnat kong WAM Booth bad kiwei kiwei.

Ïa kane ka lympung la thmu ban pynlong ha u bnai Nohprah jong u snem ba la dep, hynrei la kynriah noh pat ia ka sha ka taiew kaban wan jong une bnai Rymphang ka ban sdang naduh ka 17 tarik.

Ki jingialehkai: ARCHERY, ATHLETICS, BADMINTON, BASKETBALL, BOXING, BILLIARDS & SNOOKER, JUDO, KARATE, SHOOTING, SWIMMING, TABLE TENNIS, TAEKWANDO, TENNIS, WUSHU.

Ki jaka Ialehkai: St Anthopny’s School, JN Stadium, Polo, U Tirot Sing Indoor Stadium, Shillong Club, Nongthymamai Sports & Cultural Club, Laban Sports Club Indoor Stadium, Assam Regimental Centre, Crinoline Swimming Pool.