2 run jop ka Ummulong iaka Umshangiar haka Open To All T20 Cricket ka AJCA

Syllad | The Rising MeghalayaFebruary 23, 2022

Ka Ummulong ka pynliem da 2 run ïaka Umshangïar haka Open to All T20 Cricket Tournament 2022 kaba pyniaid da ka All Jaintia Cricket Association (AJCA) ha madan Jrisalein, Chutwakhu, Jowai haka sngi Balang.

Ïaka jingkynting pisa la jop da ka Ummulong bad kam trai ban tied nyngkong bad haka jingtied ka la lah ban kamai 165 run na ki 20 over bad hap noh 6 wickets.

U Rejoice Gassah marwei ula synniang sha u sup u thiar kamai run ka Ummulong 43 run na ka 31 bol, katba u Khroo Passah na ka Umshangïar ula pynhap 3 wickets na ki 3 over.

Haba beh ïaka thong ka Umshangïar ka la lah ban kamai 163 run naka 17.1 over bad hap noh baroh ki wicket.

U Teilang War ula lah ban tied 37 run naka 20 bol, u C Shylla bad u C. Gassah na ka Ummulong ki la ïoh ban pynhap mar 2 wicket naki 4 over.

Ïaka nam ‘Man of the Match’ la ïoh da u Rejouce Gassah jong ka Ummulong uba la ïoh 43 run 31 wickets.