20 iabit thymmai iaka jingpang COVID-19

Syllad | The Rising MeghalayaDecember 7, 2021

Haka sngi ba Ar 20 ngut ki briew kiba iabit thymmai iaka jingpang khlam COVID-19 bad da kane ka jingdon ki briew kiba shitom ka long 251 ngut ha Jylla.

Kat kum ka jingpyntip ka Tnad ka Koit ka Khiah, 20 ngut ki briew kila ïabit thymmai ïa kane ka jingpangkhlam bad kine ki kynthup na EKH: 15, EGH: 1, EJH: 1, RBD: 1, WGH: 1 bad WKH: 1.

Ki nongpang kiba la ioh pat iaka jingkoit ki don haduh 15 ngut. Kine ki kynthup na EGH: 1, EKH: 12, WJH: 1 bad WGH: 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 84619 ngut bad napdeng kine 82893 ngut kila ïoh ïa ka jingkoit bad 1475 ngut kiba ïap nalor ki briew ba dang shitom.

Ka East Khasi Hills kadon 225 ngut kiba dang shitom, West Khasi Hills 4, West Jaintia Hills 1, Ri Bhoi 6, West Garo Hills 5, East Jaintia Hills 3, East Garo Hills 6, bad South Garo Hills 1.