20 iabit thymmai iaka jingpang COVID-19

Syllad | The Rising MeghalayaMarch 1, 2022

20 ngut ki briew kiba iabit thymmai iaka jingpang bad da kane ka jingdon ki briew kiba dang shitom na ka jingpang khlam COVID-19 ka long 160 ngut hapoh ka Jylla haka sngi ba Ar.

Katkum ka jingpyntip ka tnad ka Koit ka Khiah, kine ki 20 ngut kiba iabit thymmai ki dei na West Garo Hills 4, East Khasi Hills 3, Ri Bhoi 3, North Garo Hills 2, East Jaintia Hills 2 bad mar iwei kiba ibit thymmai na East Garo Hills, Eastern West Khasi Hills, South Garo Hills, South West Garo Hills, West Jaintia Hill bad West Khasi Hills.

Ki nongpang kiba la ioh pat iaka jingkoit ki don 38 ngut. Kine ki kynthup na East Khasi Hills 9, West Garo Hills 6, Ri Bhoi 1, South West Garo Hills 6, South West Khasi Hills 1, West Jaintia Hills 8, North Garo Hills 3, Eastern West Khasi Hills 1 bad East Jaintia Hills 3.

Ka jingdon jong ki briew bala ïabit ïa kane ka jingpang khlam ha Jylla baroh ka long 93497 ngut bad napdeng kine 91759 ngut kila ïoh ïa ka jingkoit bad 1578 ngut kiba ïap nalor ki briew ba dang shitom.

Ka East Khasi Hill ka don 48 ngut kiba shitom ne active case, West Garo Hills 14, Ri Bhoi 24, West Jaintia Hills 14, South West Garo Hills 7, South West Khasi Hills 10, Eastern West Khasi Hills 4, North Garo Hills 16, South Garo Hills 3, East Jaintia Hills 5, West Khasi Hills 10 bad East Garo Hills 5.