20 iabit thymmai iaka jingpang COVID-19, khlad 1

Syllad | The Rising MeghalayaNovember 11, 2021

Haka sngi Palei 20 ngut ki briew kila iabit thymmai iaka jingpang khlam COVID-19, iwei i ba khlad bad da kane ka jingdon jong ki briew kiba iap pang COVID-19 kala kynjoh sha 1462 ngut ha Jylla.

Ine iwei iba khlad i dei na East Khasi Hills District.

Katkum ka jingpyntip ka tnad ka Koit ka Khiah, 20 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 273 ngut hapoh ka Jylla.

Na kine 273 ngut kiba dang shitom, ka East Khasi Hills kadon 197 active case ne kiba dang shitom, West Garo Hills 24, Ri Bhoi 14, West Khasi Hills 19, East Garo Hills 8, West Jaintia Hills 5 bad East Jaintia Hills 3.

Mar iwei kiba dang shitom ha South Garo Hills, South West Garo Hills bad South West Khasi Hills. Ha North Garo Hills ym don mano mano ba iabit thymmai iaka jingpang khlam.

Ki briew kiba iabit thymmai iaka jingpang khlam ki kynthup na EGH: 1, EKH: 13, RBD: 1, WGH: 2 bad WKH: 3.

Ki nongpang kiba la ioh pat iaka jingkoit ki don haduh 64 ngut. Kine ki kynthup na EKH: 54, RBD: 1, WGH: 2, WJH: 2 bad WKH: 5.

Ka jingdon jong ki briew bala ïabit ïa kane ka jingpang khlam ha Jylla baroh ka long 83962 ngut bad napdeng kine 82227 ngut kila ïoh ïa ka jingkoit bad 1462 ngut kiba ïap nalor ki briew ba dang shitom.