20 km jngai ka shnong 6-7 bnai shim por ka MePDCL ban pynpoi bai bording

Syllad | The Rising MeghalayaSeptember 17, 2022

Kalong kaei kaei kaba sngewthamula ba ka shnong kaba jngai tang 20 KM, hynrei ka shimpor pat ba ka MePDCL kan pynpoi bai bording haduh 6-7 bnai bad ki paidbah ki hap ban siew da ki hajar tyngka.

Kane ka shnong kaba iatakhuh ia kane ka jingeh ka dei ka shnong Syndai, ka shnong kaba jngai tang kumba 20 KM na Amlarem, Sub Division, West Jaintia Hills District

Ka Jaintia Students’ Union (JSU) halor kane ka jingleh thurmur ki nongtrei ka MePDCL kala iakynduh bad ujor ha u Assistant Executive Engineer, MePDCL Amlarem Sub division halor kane ka jingeh u paidbah nongthang bording haka sngi Thohdieng.

U president JSU Syndai Unit u Pynshailang Suliang ula ong ka shim por iaki nongtrei ka MePDCL  ban wan sam ia ka bai bording haduh hynriew hynñiew bnai ban wan sam sha ki shnong bad kane ka jingleh sting jong ki nongtrei ka buh jingeh shibun ia u duk u suk u ban siew ia ka bai bording da ki hajar tyngka shisien siew.

Kaba lyngngoh ula ong ba kane ka shnong kala hap ban shong haka jingdum lai bnai namar ka jingduh u transformer, hynrei kaba phylla pat ka bai bording pat la kheiñ kumjuh hi  wat hadien bym ioh pyndon kam ruh.

Ka JSU kala dawa na AE ka MePDCL ba u dei ban pynshai paidbah lyngba ki nongtrei jong u lane da ki ba dei peit ia ka Syndai sub station ha kano ka dur la khein kyllum ia ka bai bording khlem da ioh thang iaka bording bad la dawa ban khein thikna iaka bai bording bad poi man la u bnai sha manla ki thliew kumba long lem sha kiwei ki jaka