20 ngut shi kynhun shah ka shnong Ialong ban wan bam khana, khang thang bom pataka bad kiwei

Syllad | The Rising MeghalayaDecember 31, 2020

Ka dorbar shnong Ialong kum shibynta ban pdiang ia u snem ba thymmai ka pdiang sngewbha ia baroh ki nongwan jngohkai ne kiba wan kai pyngngad shapoh u pud u ang ka shnong Ialong, hynrei ka don pat kine ki jingmana ba ym bit ban leh hapoh u pud ka shnong Ialong.

Kine harum ki dei ki jingmana:
Ka dorbar shnong Ialong ka pdiang sngewbha ia baroh ki nongpeit kai ne ki nongbam khana, hynrei tang 20 ngut shi kynhun.

La khang pyrshah ban leh jakhlia bad ban bret kiba tam naka jingbam khana kat shaba lap ba shem.

Ki nongbam khana hadien bala dep bam ki dei ban pynkhuid iaka jaka kaba ki pyndonkam.

Ym bit pynheh sur ne tem sur da kaba wanrah da ki kor pynsawa kiba pynmih iaka jingsawa kaba heh kaba pynthud ia kiwei.

Ym bit ban thang bom pataka, lait noh tang haka por bala ai lad ka sorkar ne ka bor district khamtam sha ki jaka khlaw kiba la ai jingiada ka shnong iaki mrad ki mreng ne ki law kyntang.

Ka dorbar shong kan plie iaka khyrdop ban rung sha ki jaka jngohkai naduh 6 baje mynstep haduh 8 baje janmiet.

Ka dorbar shnong ka kyrpad ia baroh ban iatreilang ban iada iaka mariang bad ki mrad ki mreng hapoh u pud u ang ka shnong.