208 Klur bhah ka sorkar ia ka tnat sports

Syllad | The Rising MeghalayaMarch 10, 2022

Ha ka jingleit ban rah ia ka mang tyngka ka jong u snem, u Myntri Rangbah ka jylla ba bat ruh ia ka pla tyngka u Conrad K Sangma, u la iathuh ba ka mang pisa ia ka kam ialehkai ne Sports & Youth Affairs ka long T. 208 Klur, kaba pynpaw ia ka jingkiew kaba long da kumba 13 percent.

Haba wanrah ia kane ka mang tyngka, naka liang u Conrad, u la maitphang ruh ia ka jingpynlong ia ki katto katne ki lympung bah ialehkai ba kynthup ia ka Meghalaya Games kaba la thmu an pynlong ha u bnai Jymmang bad hadien kane, la pynkhreh ban pynlong ia ka lympung North East Olympic, kaba long artad kum shi bynta ka jingrakhe ia ka lyngkhuh snem ba 50 ka jingioh ia ka jylla kaba pura.

Shuh shuh, hadien ka jingsdang ban hiar ka jingsaphriang jong ka khlam jingpang Covid-19, ka sorkar shen kan sa pynkhie im biang ia kawei ka kam ba ka la dep ba kan sdang teng bad kane ka dei ka ‘Mission Football’, ha kaba yn sdang ban pynkhie im biang ia kane ka kam ha man la ki shlem ai jinghikai ne ki grassroot centre ba don ha baroh kawei ka jylla.

Wanrah u CM iaka jingiohlum pisa kaba duna 1849 klur, pynbna shikhung ki kam pynroi thymmai

Sa kawei ka sien jam ba ka sorkar ka la khreh ba kan shim dei ka jingpynlong ia ka talent identification, ban iatreilang bad ka Meghalaya State Olympic Association.

Nalor ka jingdep ban mang pisa ia ka jingkhreh ban tei pynbha ia ki jaka ialehkai ha Tura bad ha Shillong, sa kumba 150 tylli ki  grassroot sporting infrastructure la dep ban pynkhreh ha kine ki snem kiba la dep ha ka jinglut kaba  kynjoh ia ka  T.45 klur tyngka, khnang ba ka kam jong kine kan nym sahteng, u Conrd u pyntip bas a kumba T.40 klur tyngka yn khreh ban pynlut naka bynta une u snem mang tyngka 2022-2023.