21 iabit thymmai iaka jingpang COVID-19

Syllad | The Rising MeghalayaNovember 21, 2021

Haka Sngi U Blei 21 ngut ki briew kila iabit thymmai iaka jingpang khlam COVID-19 bad da kane ka jingdon jong ki briew kiba shitom kalong 280 ngut ha Jylla.

Katkum ka jingpyntip ka tnad ka Koit ka Khiah, 21 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 280 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 2, EKH: 18 bad WGH: 1.

Ki nongpang kiba la ioh pat iaka jingkoit ki don haduh 31 ngut. Kine ki kynthup na EGH: 1, EJH: 1, EKH: 26, Ri Bhoi: 1 bad WKH: 2.

Ka jingdon jong ki briew bala ïabit ïa kane ka jingpang khlam ha Jylla baroh ka long 84241 ngut bad napdeng kine 82494 ngut kila ïoh ïa ka jingkoit bad 1467 ngut kiba ïap nalor ki briew ba dang shitom.

Ka East Khasi Hills kadon 202 active case, West Khasi Hills 13, West Jaintia Hills 10, Ri Bhoi 13, West Garo Hills 18, East Jaintia Hills 4 bad East Garo Hills 20.