21 ngut ioh myntoi naka jingshah hikai suh syntiew ha Mukhap

Syllad | The Rising MeghalayaOctober 21, 2021

Haduh 21 ngut ki nongshah hikai kila ioh jingmyntoi n aka jingai jinghikai suh syntiew ne ka Embroidery Training kaba long ha Community Facility Centre ka shnong Mukhap, West Jaintia Hills District, Laskein Block.

Ia kane ka Embroidery Training la sdang naduh 6 tarik Nailur haduh 15 Risaw 2021.  Kane ka training kaba la pynlong ka Society For Urban & Rural Empowerment (SURE) ka long shibynta na ka project “No one shall be left behind: initiative” ka North East Slow Food Agrobiodiversity Society (NESFAS). La kyrshan ruh da ka Rural Electrification Corporation (REC).

Ka shnong Mukhap  ka long  ka shnong kaba  pawnam haka rep ka riang ban pynmih ia ki jhur, ki soh ki pai, ki jingbam food processing kum ki achar, dry fruits, candy ter ter bad kumjuh ruh ki jain ba lah thain bad pynmih da ka Mukhap Handloom & Handicrafts.

Ka kong Dalangki Suchiang, Master Trainer kala ai jinghikai sha ki nongshah hikai ban suh syntiew

Ka thong jong kane ka training ka long ban ai ia ka basic training bad ban kyntiew ia sap kaba ki don, bad ha kajuh ka por ban pynkiew ia ka ioh ka kot khamtam ia ki kynthei bad khynnah samla.

Haba pynkut ia kane ka jingai jinghikai haka 19 tarik une u bnai la don ka jingialang kaba lyngkot kaba la pyniaid da u Ma Waiphangki Shadap, Field Coordinator ha kaba u Rev. H.H Mohrmen ula long kum u kongsan ha ryngkat ka jingiadonlang ki President, Secretary ka Village Organization (VO), Nongshah hikai (Trainees), Nonghikai  Suhsyntiew (Master trainer), ki dkhot jong ka PGS group bad ki nongtrei ka SURE.  

Ha kane ka sngi la sam ruh iaki khusnam sha ki nongsuh syntiew kiba jop haka jingiakop ba dki syrnod bad la iarap pisa (stipend) sha kiba wan shah hikai.