210 iabit thymmai iaka jingpang COVID-19, khlad 4

Syllad | The Rising MeghalayaJanuary 31, 2022

Saw ngut ki briew kila khlad na ka jingshitom na ka jingpang khlam bad da kane ka jingdon jong ki briew kiba iap pang COVID-19 kala kynjoh sha 1526 ngut bad kiba iabit thymmai iaka jingpang ki don 210 ngut haka sngi Nyngkong.

Kine kiba khlad saw ngut ki dei na East Khasi Hills District 2, Ri Bhoi 1 bad West Garo Hills 1.

Katkum ka jingpyntip ka tnad ka Koit ka Khiah, 210 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 2313 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 124, West Garo Hills 32, Ri Bhoi 12, South West Garo Hills 13, South West Khasi Hills 3, West Jaintia Hills 7, East Jaintia Hills 6, Eastern West Khasi Hills 4, South Garo Hills 3, West Khasi Hills 4 bad East Garo Hills 2.

Ki nongpang kiba la ioh pat iaka jingkoit ki don haduh 246 ngut. Kine ki kynthup na East Khasi Hills 183, West Garo Hills 29, Ri Bhoi 18, North Garo Hills 7, South West Garo Hills  5, West Khasi Hills 2 bad South West Khasi Hills 2

Ka jingdon jong ki briew bala ïabit ïa kane ka jingpang khlam ha Jylla baroh ka long 91094 ngut bad napdeng kine 87255 ngut kila ïoh ïa ka jingkoit bad 1526 ngut kiba ïap nalor ki briew ba dang shitom.

Ka East Khasi Hill ka dei kaba bun eh kiba iabit khlam COVID-19 bad ka don 1137 ngut kiba shitom ne active case bud sa ka West Garo Hills 521, Ri Bhoi 170, West Jaintia Hills 91, South West Garo Hills 88, South West Khasi Hills 57, Eastern West Khasi Hills 56, North Garo Hills 53, South Garo Hills 40, East Jaintia Hills 34, West Khasi Hills 37, bad East Garo Hills 29.