211 iabit thymmai iaka jingpang COVID-19

Syllad | The Rising MeghalayaJanuary 16, 2022

Haka Sngi U Blei 211 ngut ki briew kila iabit thymmai iaka jingpang khlam COVID-19 bad da kane ka jingdon jong ki briew kiba shitom ne active case ka long baroh 1128 ngut hapoh ka Jylla.

Katkum ka jingpyntip ka tnad ka Koit ka Khiah, kine ki 211 ngut kiba iabit thymmai iaka jingpang khlam ki dei na East Khasi Hills 163, West Garo Hills 18, East Jaintia Hills 14, West Jaintia Hills 5, Ri Bhoi 4, West Khasi Hills 3, North Garo Hills 2, East Garo Hills 1 bad South West Garo Hills 1.

Ki nongpang kiba la ioh pat iaka jingkoit ki don haduh 74 ngut. Kine ki kynthup na East Khasi Hills 59, West Garo Hills 12, Ri Bhoi 2 bad West Jaintia Hills 1

Ka jingdon jong ki briew bala ïabit ïa kane ka jingpang khlam ha Jylla baroh ka long 86358 ngut bad napdeng kine 83740 ngut kila ïoh ïa ka jingkoit bad 1490 ngut kiba ïap nalor ki briew ba dang shitom.

Ka East Khasi Hills kadon 886 ngut kiba dang shitom, West Garo Hills 95, Ri Bhoi 63, West Jaintia Hills 21, East Jaintia Hills 24, West Khasi Hills 16, South West Khasi Hills 9, South West Garo Hills 4, North Garo Hills 4, South Garo Hills 3 bad East Garo Hills 3.