22 iabit thymmai iaka jingpang COVID-19, khlad 2 ha Jylla

Syllad | The Rising MeghalayaNovember 15, 2021

Haka sngi Nyngkong 22 ngut ki briew kila iabit thymmai iaka jingpang khlam COVID-19, khlad 2 ngut bad da kane ka jingdon jong ki briew kiba iap pang COVID-19 kala kynjoh sha 1464 ngut ha Jylla.

Kine kiba khlad ar ngut ki dei na West Garo HIlls bad West Khasi Hills.

Katkum ka jingpyntip ka tnad ka Koit ka Khiah, 22 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 255 ngut hapoh ka Jylla.

Ki briew kiba iabit thymmai iaka jingpang khlam ki kynthup na EKH: 19, RBD: 2 bad WJH: 1.

Ki nongpang kiba la ioh pat iaka jingkoit ki don haduh 28 ngut. Kine ki kynthup na EJH: 1, EKH: 15, WGH: 10 bad WKH: 2.

Ka jingdon jong ki briew bala ïabit ïa kane ka jingpang khlam ha Jylla baroh ka long 84046 ngut bad napdeng kine 82327 ngut kila ïoh ïa ka jingkoit bad 1464 ngut kiba ïap nalor ki briew ba dang shitom.