22 klur tam mang ban shna iaka surok Amlarem Pdengshakap Muktapur

Syllad | The Rising MeghalayaDecember 20, 2022

U Ma Lahkmen Rymbui MLA ka Amalrem ula wan ban buh mawnongrim ban sdang pyntrei iaka surok Amlarem –Pdengshakap- Muktapur kaba shongdor T 22.12 klur haka sngi ba ar.

Kiba iadonlang ha kane ka jingbuh mawnongrim bad plie paidbah iaka surok ki kynthup ia u Bah BW Phira, Superintendent Engineer, PWD (Roads), Jowai Circle Bah RD Pakyntein, Executive Engineer, PWD (Roads), South Jowai Division.

Ka jingshna iaka surok Amlarem Pdengshakap Muktapur ka kynthup iaka jingpynheh iaka surok, ka jingsiang rong ban pynjyllih iaka jingiaid kali bad ki jingkieng kiba heh bad kiba rit. Ka jingjngai ka surok ka long 14.60 Km bad la pyntrei iaka surok lyngba ka Central Road Infrastructure Fund”

U MLA ka Amlarem ula plie paidbah ruh iaka surok Pdengshakap -Trangblang bad iaka surok shnong ka Pdenshakap kaba kot 6 klur lyngba ka Rural Infrastructure Development Fund-XXVII.

Pule | Buh mawnongrim u Lahkmen Rymbui ban tei iaka Sub Divisional Hospital kaba nyngkong eh ha Rilum Jaintia

U Ma Lahkmen Rymbui ha kane ka samoi treikam jong u kum u MLA ka thain ula iathuh ba ula lah ban pynioh 56.4 KM ka surok tang haka thain War East haka jinglut kaba 49.575 klur.

Kine ki surok kiba la dep ban shna ki dei ka surok Muktapur- Borghat haka jingjrong kaba 6.30 Km haka dor 3.50 klur, Pdengshakap –Jongushen haka jingjrong kaba 7 km haka dor 5.65 klur, Syndai – Umsohtai 5.10 Km haka dor 2.8 klur naka PMGSY.

Ula iathuh shuh shuh ba na ka 150 klur kaba mang iaka sorkar jylla ban shna iaka surok hapoh ka Central Road Infrastructure Fund (CRIF) 7 klur la mang na ka bynta ban shna iaka surok Dawki Muktapur Amsku kaba jrong 10 km.