22 tarik Iaiong ka State Level Arm Wrestling Championship

Syllad | The Rising MeghalayaApril 20, 2023

Ka rynsan iakop iakhun kti kaba la pynkhreh da ka Meghalaya Arm Wrestling Association (MAWA) kaba tip kum ka 32nd State Level Arm Wrestling Championship 2023 kan long haka 22 tarik Iaiong ha KJP Assembly Hall, IGP, Shillong.

U Bah Parvisroy Lyngdoh Nongrang, General Secretary bad ka kong Ribasuk Lyngdoh Mawphlang Treasurer jong ka synjuk ki pyntip ba ka jingthew ia ka jingkhia ki nongwan iashim bynta kiba naka nongbah Shillong la buh ba kan long ha ka 21 tarik Iaiong ha Madan Malki bad kan sdang naduh ka por 2:00 baje nohphai sngi haduh 6 baje janmiet.

Katba ia ki nongwan iashim bynta na kiwei pat ki district ka jylla, ka jingthew ia ka jingkhia ki nongwan iashim bynta kan long ha ka step jong ka 22 tarik naduh ka por 8 baje mynstep haduh 10 baje mynstep ha ka jaka ban pynlong ia ka jingiakob.