22 tarik ka Dorbar Lyuir ka JHADC, yn rah motion u ma Lakhon Dkhar halor u pud u sam ka Assam Meghalaya

Syllad | The Rising MeghalayaJuly 20, 2021

Ka Dorbar Lyuir jong ka Jaiñtia Hills Autonomous District Council (JHADC) kan long haka 22 tarik Naitung 2021 haka por 10:30 AM.

Ia kane ka Dorbar la khot da u Chairman ka JHADC, ma Sankey Shangpung ban pyndep ia ka rukom kumba la buh ha ka riti synshar jong ka Ri India.

Ha kane ka Dorbar yn iatai iaka pud ka sam Assam Meghalaya khamtam ki jaka ba iakhajia West Jaintia Hills bad ka West Karbi Anglong District.

Nalor kane ka mat iatai halor u pud u sam kan don ka kynta kylli jingkylli bad jubab, ka jingkynmaw ia ki MDC bala khlad bad ka official report.