23-25 tarik Iaiong ka District Level Inter School Athletic Meet

Syllad | The Rising MeghalayaApril 1, 2025

Ka ophis u District Sports Officer (DSO), West Jaintia Hills District ryngkat ka jingiatreilang ka West Jaintia District Sports Association (WJDSA) kan pynlong ia ka District Level Inter School Athletic Meet, 2025 ha ka 23-25 ​​tarik u Iaiong 2025 ha Kiang Nangbah Stadium, Jowai.

Kumta ka ophis u DSO kala kyrpad ia baroh ki skul ba iashimbynta, principal, headmaster, headmistress and teacher incharge ban wan shaka jingialang ka ban pynlong haka 7 tarik Iaiong ha Kiang Nangbah Indoor Sports Hall ha ka por 1.00 baje nohphai sngi.

Baroh ki skul kiba kwah ban iashim bynta ba kin shim ia ki form na ka ophis jong u DSO ha ka por trei.

Ka tarik ba khatduh ban pynpoi ia ki form ka long haka 10/04/2025 bad yn nym pdiang ia kiba wan hadien ka tarik ba la buh. Ka Screening ne ka jingjurip iaki khynnah ialehkai kan long haka 14/04/2025. Ka tarik ba khatduh ban pynpoi ia ka Form-II kan long haka 17/04/2025.